Nesër zgjedhet veç kryetari i Kuvendit

Sekretaria e Kuvendit të Kosovës tashmë ka paralajmëruar se nesër, duke filluar nga ora 12:00 do të mbahet vazhdimi i seancës konstituive, ku pritet të zgjedhet kryetari i ri dhe kryesia e re. Mirëpo, gjatë seancës së nesërme nuk pritet që të votohet edhe Qeveria e re, ashtu siç patën raportuar mediet.

Një deputet i Kuvendit të Kosovës në kushte anonimiteti ka thënë Gazetës Blic se në rendin e ditës së seancës së nesërme konstituive është vetëm një pikë, e ajo ka të bëjë me zgjedhjen e kryetarit të Kuvendit.

Gazeta Blic po ashtu ka arritur që ta sigurojë rendin e ditës, ku parashihet vetëm një pikë e rendit të ditës, që ka të bëjë me zgjedhjen e kryetarit të Kuvendit. / Gazeta Blic/