Nënkryetari i LDK-së, Lutfi Haziri ka reaguar për takimin e nesërm mes Kosovës e Serbisë.
Ai ka thënë se nëse krijohet Asociacioni pa njohjen nga Serbia, atëherë i bie që Kosova po jep gjithçka, për kurrgjë.
Haziri ësgtë shprehur se në një situatë e tillë “Kosova do të dalë e lënduar”, raporton Zeri.info.
Ai madje ka thënë se nesër do të shohin cili do të jetë Kurti i vërtetë, ai që refuzonte gjithçka si opozitar, apo Kurti pranues në pushtet.
“Pyetja se a po kalon ‘Zajednica’ tashmë është evidente në kuadër të planit franko-gjerman, duke e pasur kryeministër politikanin më jokonsistent në qëndrime që ka pasur Kosova. Do ta këtë nesër ditën për të dëshmuar se cili Kurti do të jetë në funksion – Kurti opozitar, kryeministër e kundërshtues apo Kurti pranues e ndarës de jure i një pjesë të Kosovës”, shkroi ai në Facebook./Zëri
