Nëse niseni tek unë
RajoniPress
20:25, 4 Shtator, 2023
Poezi nga Avdush Canaj
Nëse niseni tek unë
pyetni kumritë,
e ndonjë trëndelinë,
lehtë e gjeni shtëpinë.
Ta dini
te porta ju pret dardha
me dorën në zemër
Mirë se vini!
Burbuqet
këtë ditë e shpallin festë,
për ju vallëzojnë me mollëkuqet,
harabelat luajnë
sonatën për miq.
Unë ju pres në ballkon të këngës
me gotat ëmbëlsi vargjesh
dhe buzëqeshje prej mjalti
Xhepat ua mbush plot
me muzikë rimash.
Lehtë e gjeni shtëpinë
nëse niseni tek unë.
Numri 25
është më zambak.
