Nëse KD i UP-së përkrah Bujën, rektori jep dorëheqje
RajoniPress
14:48, 13 Nëntor, 2014
Ministri në detyrë i Arsimit, Ramë Buja ka lëshuar sot një vendim që Rektorati të zbatoj memorandumin ndërmjet UP-së dhe Shoqatave të Dala nga Lufta, për pranimin e rreth 1 mijë studentëve.
Këtë e konfirmoi për RTK-në, rektori i Universitetit të Prishtinës, Ramadan Zejnullahu, i cili thotë se ky vendim i ministrit është i jashtëligjshëm.
Ai thotë se këtë vendim do t’ia dorëzojë Këshillit Drejtues të Universitetit, për ta shqyrtuar dhe në rast se Këshilli e mbështet rektorin dhe ligjin, atëherë nuk do të miratohet.
E në rast se vendimi i ministrit miratohet nga Këshilli Drejtues, atëherë rektori Zejnullahu paralajmëron dorëheqjen e tij.
