Nëpër të thënat e Fehmi Aganit

Durimi është rruga e zorit, arma më e fortë në shpirtin e robit, me andje nuk e zgjodhëm, këtë përpjetëz që na ngulfatë, sado qoftë e gjatë, do ta ecim rrugëve t’mos mbesim

se bota nuk sheh vetëm me sy
si veten nuk më ka mua ty
kjo botë që kërkon rend
do na nxjerr në kuvend
kush shkon e kush vjen
durimin veç paqja e shpërblen

po na duhet ngapak me përpushë
zorrët e barkut s’nxirren n’fushë
mos pritni krejt me u a thënë
shihni tjerët për vete ç’bënë
edhe n’paçim shumë atllarë
duhet me i lidhë në një mullarë
për mos me u bë gazi i botës
zjarr e jo tym i duhet votrës

edhe kur krejt s’bijnë n’ujdi
veprimeve tona u duhet urti
që punët mos t’i kapim prej bishti
mos e harroni rolin e një gishti
se pastaj e kruajmë kokën
ku e hedhim hapin kemi tokën

t’mos ia bëjmë vetes mjegull
se lehtë na ikë dhe një shekull
e bota s’pret tutje nxiton
vetëm ai që s’ndalet fiton

(Nga libri: NË FYTYRËN E NJË GJETHI, 2012 )
Sabit Rrustemi