Nëpër shi e dëborë, Drita shënon fitore të lehtë

Skuadrës së Dritës në praninë e pak shikuesve dhe në fushën e mbuluar me ujë e dëborë, për 30 minuta të pjesës së parë ka arritur të siguron fitore tejet të vlefshëm në ballafaqim me Drenicën nga Skenderaj me rezultat përfundimtar 4-1.

Në minutën e 8-të, pas një kundërsulmi të shpejt Xhevdet Shabanit gjen bukur në zonë Kastriot Rexhën i cili nuk e pati të vështirë të shënoj duke sjell skuadrën e tij në epërsi 1-0.

Në minutën e 22-të, Erjon Vucaj shfrytëzon një gabim të mbrojtësve mysafirë, harkon nga e djathta dhe në zonë së miri gjendet Rexha i cili e detyron parterin Ymeri ta nxjerr topin nga rrjeta e tij 2-0.

Në minutën e 30-të, Xhevdet Shabani asiston bukur nga largësia për Betim Haxhimusën i cili kalon edhe portierin mysafirë Ymerin për të shënuar për 3-0.

Mysafirët rastin më të mirë të ndeshjes e konkretizojnë me gol, në minutën e 61-të, Genc Hamiti harkon e me kokë qendërsulmuesi Alban Shillova mposht Faton Malokun e Dritës për të zbutur rezultatin në 3-1.

Kur të gjithë menduan se ndeshja do të përfundon me rezultat 3-1, në minutat shtesë në minutën e 92-të, Ilir Blakqori harkon nga e majta e me kokë Izair Emini vulos gjithçka në këtë ballafaqim 4-1.

Pas ndeshjes trajneri i Drenicës, Gani Sejdiu, ka kritikuar ashpër futbollistët e tij.
“Po tregohemi jo profesionist, ndeshjet po i humbim në pjesën e parë, ne kundërshtarëve po u dhurojmë fitore në pesën e parë, ne nuk e kemi kualitetin ta rikthehemi në ndeshje kur është rezultati i thellë, por që nga nesër do të ketë ndryshime në klub kjo është e pa pranueshme çdo gjë ka kufi”.

Ndërsa, trajneri i Dritës ishte i lumtur me këtë fitore ndaj një skuadre çfarë është Drenica.
“Sot luajtëm mjaft mirë, dhamë maksimumin dhe me plot meritë fituam, ndërsa futbollistëve u uroj këtë fitore tejet të rëndësishme për ne”.

Në ndeshjen e radhës, ndeshje të cilat zhvillohen në mesjavë, Drita do të jetë mysafirë i Ballkanit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).