Nëpër maje të Gollakut

Teksti, muzika dhe interpretimi : Demir Krasniqi –

Nëpër kodra e maje të malësisë s’ Gollakut –
Do të dalim , t’ ecim , atje prej merakut !
Atje do ta thithim ajrin e malësisë ,
Atje do t’i kënaqim sytë prej bukurisë !

S’ pari do të dalim n’ maje t’ Velegllavës –
Atje do të kënaqemi shije të bakllavës !
Pastaj do të dalim në maje të Kitkës –
Të pimë ujë burimi , t’ mos trembemi prej frikës !

Do të ngjitemi kodrave , te Karolli i Shahiqit –
Që t’i kujtojmë kohërat e sllavit dhe kryqit !
Pastaj do të shkojmë te Karolli i Bunarit –
Që të kujtojmë luftërat , gjakun e shqiptarit !

Do të dalim në Sfircë, në maje të Tepës –
Atje do t’ hamë pite të pjekur prej petës !
Do ta vazhdojmë rrugën kah Kapia e Sfircës –
Ta shohim Medvegjën, lugun e Jabllanicës !…

Për kufi do t’ shkojmë kodrave t’ Gollakut –
Të pimë ujë të freskët nga Gurra e Novakut !
Atje n’ Hajkobillë , te Kroi i Dafinave –
Do të dëgjojmë këngë të bukura t’ kanarinave !

Dalim n’ Dabishec, në maje t’ Lisicës –
Që t’ i kujtojmë krimet që iu bënë Prapashticës !
Do t’ shkojmë në Marec , në maje të Zllashit –
Atje na pret sofra dhe mishi i dashit !

Dalim në Marec , n’ maje të Vitisë –
Dëgjojmë krisma pushkësh edhe të alltisë !…
Shkojmë në Novobërdë, n’ maje të Kalasë –
Atje na pret muri , këngët e sevdasë !

Prej Kalaje dalim n’ maje Novobërde –
që t’i kujtojmë nuset mbuluar me perde !
Do të dalim kodrës n’ maje në Jallaqë –
Ajër e ujë të pastër kemi me u kënaqë !

Pastaj kur të dalim në maje t’ Magurës –
Atje do të kënaqemi duke pirë ujë t’ gurrës !
Përmbi Gjyrishec , në maje Pogllavle –
Do t’ dalim për qejf , t’a harrojmë çdo gajle !

Në Gëmicë do të dalim n’ maje t’ lagjës Korça –
Që është për lakmi – kund s’i gjendet shoqja !
Pastaj kur të dalim te Lamat e Spahive –
Atje do t’i shijojmë petullat e flive !

Në Gëmicë kur të dalim te Mali i Kishës –
Do t’ na kënaqën sytë nga gjelbrimi i pishës !
Në fund do të dalim në Tugjec te Kulla –
Do t’ bëjmë muhabet , t’ pimë duhan me llulla !…

Gjilan, më 15.11.2020 v.

Demir KRASNIQI