Nëntë vite nga vendimi i GJND-së, Haradinaj: Kosova më e fortë se kurrë

Kryeministri në largim i Republikës së Kosovës, Ramush Haradinaj, ka thënë se një nga datat më të rëndësishme të shtetësisë së Kosovës është edhe 22 korriku i vitit 2010, kur Gjykata Ndërkombëtare e Drejtësisë, shpalli verdiktin se, pavarësia e Kosovës është legjitime e drejtë dhe nuk bie ndesh me të drejtën ndërkombëtare.

Haradinaj në një shkrim të bërë në Facebook ka thënë se, vendimi i Gjykatës Ndërkombëtare të Drejtësisë është vendim historik për vendin, i cili ka konfirmuar themelet e pavarësisë tonë, të sovranitetit të shtetit dhe integritetit territorial, transmeton Telegrafi.

Kryeministri në largim, ka thënë se është koicidencë që para nëntë vitesh, një ditë para vendimit të GJND-së, ai ishte thirrur në Hagë, në procesin e dytë gjyqësor, ndërsa sot sërish thirret në Hagë, në përvjetorin e nëntë të kësaj gjykate.

Haradinaj ka shkruar se, Kosova është më e fortë se kurrë, si shtet i pavarur, demokratik, unik, i pandalshëm dhe i përkushtuar në rrugën euro-atlantike./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).