Nëntë aktakuza të ngritura dhe katër persona të ndaluar

Gjilan – Prokuroria Themelore në Gjilan, gjatë 24 orëve të fundit, me urdhër të prokurorit të shtetit, ka ndaluar katër (4) persona, prej tyre, dy të mitur në kohëzgjatje prej 24 orë dhe dy madhor në kohëzgjatje prej 48 orëve, si dhe ka ngritur nëntë (9) aktakuza, kundër nëntë (9) personave, për vepra të ndryshme penale.

Ndalimet e personave me urdhër të prokurorit:

Prokuroria Themelore në Gjilan, ka ndaluar katër (4) persona, prej tyre, dy persona të mitur në kohëzgjatje prej 24 orësh për veprën penale “Lëndim i lehtë trupor” nga neni 185, dhe dy persona madhor në kohëzgjatje prej 48 orëve, njëri i dyshuar për veprën penale “Mashtrim” nga neni 323 i Kodit Penal të Kosovës, dhe tjetri për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” nga neni 267 i Kodit Penal të Kosovës.

Aktakuzat:

Prokuroria Themelore në Gjilan, të martën me datë 25 nëntor 2025 ka ngritur nëntë (9) aktakuza kundër nëntë (9) personave, për vepra të ndryshme penale:

Pesë (5) aktakuza kundër pesë (5) personave për veprën penale “Vjedhje e shërbimeve”.

Dy (2) aktakuza kundër dy (2) personave për veprën penale “Vjedhje Pylli ”.

Dy (2) aktakuza kundër dy (2) personave për veprën penale “Posedimi i paautorizuar i narkotikëve, substancave psikotrope ose analoge”./rajonipress/