Nënshkruhet memorandum bashkëpunimi në mes FC Dritës dhe Teatrit të Qytetit të Gjilanit

Nën moton “Sporti e Teatri është emocion është dramë”, sot në zyret e FC Dritës është nënshkruar memorandum bashkëpunimi në mes FC Dritës dhe Teatrit të qytetit të Gjilanit.

Dy drejtorët, Feti Murseli i FC Dritës dhe Erson Zymberi nga Teatri i Qytetit të Gjilanit, kanë arritur pajtimin që tani e tutje nëpërmjet këtij memorandumi ti jepet mundësia e zhvillimit e gërshetimit të sportit dhe kulturës.

Drejtori gjeneral e FC Dritës, Feti Murseli, gjatë konferencës për shtyp ka theksuar.
“Ne synojmë të mbështesim njëri-tjetrin të promovojmë krijimet teatrale e sportive deri tek rritja e përformancës, cilësisë dhe shikueshmërisë, duke krijuar forma kreative të marketingut”.

Ndërsa, drejtori i teatrit të Gjilanit, Erson Zymberi, i lumtur për këtë marrëveshje ka theksuar.
“Ne me klubin e Dritës po krijojmë një profesionalizëm për të qenë shembull në nivel republikan duke bashkëpunuar për të mirën e sportit dhe teatrit, ky bashkëpunim do të realizohet përmes vizitave të organizuara në shfaqje dhe ngjarje të futbollit”.

Skuadra e Dritës është e vetmja skuadër në Republikën e Kosovës që gjerë më tani ka arritë një memorandum me teatrin./rajonipress/