Nënkryetari i LDK’së: Gjendja shëndetësore e Isa Mustafës është stabile, do ta kalojë edhe këtë sfidë

Nënkryetari i Lidhjes Demokratike të Kosovës Haki Rugova, ka folur për gjendjen shëndetësore të kryetarit të partisë, Isa Mustafa, i cili është infektuar me COVID-19.

Rugova ka thënë se gjendja shëndetësore e Mustafës është stabile.

“Gjendja e kryetarit të LDK-së, Isa Mustafa është stabile dhe do ta kalojë edhe këtë sfidë”, u shpreh ai.

Rugova ka folur edhe për rastet aktive në këtë komunë, teksa ka thënë se 12 qytetarë janë të infektuar me koronavirus.

“Në Istog për momentin janë 12 raste aktive dhe 3 qytetarë që kanë bërë testin jashtë Institutit. Nuk ka asnjë në gjendje të rëndë dy janë të shtrirë në spital”.

“Gjendja është e mirë në kuptimin e menaxhimit, por si shtab kemi qenë aktiv”.

I pari i Istogut foli edhe për projektet që janë duke u realizuar nga Ministria e Kulturës Rinisë dhe Sportit në Istog, teksa potencoi se ka pasur vonesa për shkak të pandemisë.

“Projekti për palestër është në përfundim e sipër. Kemi edhe projekte të tjera të cilat i kemi planifikuar këtë vit nga buxheti komunal dhe shpresoj që do të përfundojnë, sepse ka pasur pengesa për shkak të pandemisë”, u shpreh ai për EO.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).