Nënkryetari i AAK’së: Kosova të kërkojë përjashtimin e Lajçakut nga procesi i dialogut

Nënkryetari i AAK’së, Muharrem Nitaj ka reaguar pas deklaratës së Miroslav Lajçak se Kosova duhet ta ndryshojë kushtetutën në mënyrë që të formohet Asociacioni pasi ajo nuk është ‘Bibël’.

Nitaj ka thënë se Kosova duhet të kërkojë përjashtimin e Lajçakut nga procesi pas kësaj deklarate.

“Edhe në gjyq, njëra palë ka të drejtë të kërkojë përjashtimin e një gjyqtarit nga procesi. Edhe Prishtina ta kërkojë përjashtimin e Lajçakut”, ka thënë Nitaj.

Pas kësaj deklarate të Lajçakut ka pasur reagime të shumta në Kosovë, duke e quajtur të papranueshme ndërrimin e Kushtetutës për Asociacionin e komunave me shumcië serbe.

Së fundit kryediplomatja Haradinaj-Stubllka e ka akuzuar Lajçakun se po dëshiron ta kthejë idenë e korrigjimit të kufijve me deklaratën për ndryshim të kushtetutës së Kosovës./GazetaExpress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).