Nënkoloneli Kapelani Walls i KFOR-it Amerikan dhe zv. Komandanti i LMT-së, rreshter Major Resit Karatas, vizitoi KBI në Gjilan

Gjilan – Kapelani Walls i Kforit amerikan dhe z.v Komandanti i LMT, rreshter major Resit Karatas (KFOR-i Turk), vizitoi Këshillin e Bashkësisë Islame në Gjilan, ku u prit nga Kryetari i KBI në Gjilan Naim Aliu.

Aliu i falënderoi mysafirët për punën dhe angazhimin e tyre në sferën e sigurisë si dhe organizimin e jetës fetare përbrenda kampit në Bonstill dhe për kontributin e LMT-së për angazhimin dhe kontributin e tyre për sigurinë e qytetarëve të Kosovës në përgjithësi e për regjionin e Gjilanit në veçanti.

Mysafirët u informuan për organizimin e jetës fetare në Komunën e Gjilanit dhe angazhimin e Bashkësisë Islame për kultivimin e bashkëjetesës dhe tolerancës si një nga shtyllat themelore të fesë Islame ka njoftuar Agim Hyseni./rajonipress/