Nenadi “masakron” buxhetin

Auditori i Përgjithshëm ka zbuluar një mal shkeljesh në Ministrinë e Punës dhe Mirëqenies Sociale, e cila udhëhiqet nga Nenad Rashiq.

Sipas auditorit, në Shtëpinë e Pleqëve në Prishtinë për një sezon dimëror, periudhë gjashtë mujore, ishin shpenzuar 51,500 litra të derivateve në vlere prej 65,405 euro.

“Gjatë diskutimeve me përgjegjësit e këtij institucioni kuptuam se sistemi i ngrohje ishte i vjetër dhe mund të ketë pasur rrjedhej të gypave për shkak të korrozionit. Për këtë ishte informuar menaxhmenti i lartë në ministri, mirëpo nuk janë marrë masa për evitimin e këtij problemi” thuhet mes tjerash në raportin e auditorit, duke shtuar se kontrollet e brendshme nuk kanë arritur t’i parandalojnë shpenzimet e larta të derivateve për ngrohje, shkruan Zëri.

Auditori ka gjetur edhe shkelje të tjera në këtë Ministri, përkatësisht në kontratat e punës së stafit. MPMS sipas auditorit, kishte nënshkruar kontratë të rregullt pune në pozitë drejtuese, me pagë sekondare. Në kontratë nuk ishte precizuar orari i punës./Indeksonline/