Nëna Terezë nga Gazmend Freitag

Piktori i madh shqiptar me famë botërore Gazmend Freitag, në mesin e shumë portreteve të realizuara në opusin e tij krijues, një vend të merituar e të rëndësishëm e zë humanistja e madhe shqiptare Nëna Terezë, e njohur si shqiptarja e parë deri më sot, që në vitin 1979 për humanizmin e saj mori çmimin Nobel për Paqe.

Duke pranuar këtë çmim mes tjerash thekson: ”E marrë Çmimin për paqe në emër të të varfërve” për të vazhduar më tutje ”Unë kam lindur në Shkup, jam shkolluar në Angli, me shtetësi jam induse, jam misionare katolike, atdheu im është një vend i vogël që quhet Shqipëri” .

Ajo me veprimtarin e saj humane i tregoi botës se dashuria për njeriun është e pa kufishme. Këtë vit pritet edhe shenjtërimi i saj i cili konsiderohet dhurata më e madhe për popullin shqiptarë.

Ky personalitet i madh shqiptarë dhe e njohur nga mbarë bota u portretua nga piktori Gazmend Freitag me një dashuri të veçantë që kishte për te.

Edhe në portretin e tij dallohet shpirt bardhësia e saj. Figurën e saj madhore me mjeshtri e frymëzim human skalitet nga piktori. Tiparet e karakterit të saj, humanizmi, guximi, dashuria, fisnikëria janë të skalitura mjeshtërisht në portretin e saj të punuar nga piktori ynë i dashur, sytë e saj tregojnë dashurinë për njerëzimin, buzëqeshja tregon paqe për fëmijët e botës.

Ky portret ka mahnitur vizitorët kudo që piktori është paraqitur në ekspozita personale apo edhe kolektive. /remzije zekolli/ rajonipress/ HOMEPAGE: www.gazmendfreitag.net

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).