Nën ndikimin e alkoolit shkakton dëme të mëdha, arrestohet nga policia

Gjilan – Me datë 15.10.2016, rreth orës 19:50 policia e Kosovës është njoftuar përmes operatives në lidhje me një rast në Qendrën e Mjekësisë Familjare në Lagjen e Dardanisë, ku një person shqiptar shtetas i Kosovës (1982) nën ndikimin e alkoolit kishte shfaqur shenja të agresivitetit.

Bazuar në informatat e para preliminare i dyshuari fillimisht në shtëpinë e tij, pasi kishte konsumuar një sasi të alkoolit dhe duke mos kontrolluar veprimet e tija godet një pasqyre, me ç’rast lëndon dorën.

Pas kësaj i dyshuari është drejtuar për në ambulanten e qytetit për mes një veture Taxi në lagjen e Dardanisë, ku gjatë rrugës kishte filluar fjalosja me vozitësin e veturës, andaj me të arritur të ambulanca, pasi del nga vetura godet retrovizorin (Pasqyrën ) e veturës Taxi, me ç’rast e dëmton në tërësi.

Më pastaj kishte vazhduar me sjellje të pa kontrolluara për çka aty në parkingun e ambulantes dëmton edhe një tjetër veturë, duke i shkaktuar po ashtu dëme materiale, i njëjti pasi kishte hyrë në korridorin e ambulantes ka vazhduar me shkaktimin e dëmeve materiale.

Rastit i janë përgjigjur njësitet reaguese të stacionit policor të Gjilanit dhe me të arritur kane takuar të dyshuarin e rastit dhe kanë vënë situatën nën kotrollë.

Ndërkohë personi i dyshuar është arrestuar dhe sjellur në stacionin policor të Gjilanit. Në lidhje me rastin është thirr Prokurori i Shtetit, ku me vendimin e të njëjtit i dyshuari ndalet në Qendrën e ndalimit për 48 orë, ndërsa rasti i kompletuar i dorëzohet Prokurorisë Themelore në Gjilan njoftoj Ismet Hashani./rajonipress/