Nën hije të natës – lirikë nga libri, “Poezia, një shok udhe”

Në Kosovë kam dëshirë të dashuroj, dhe s´di nga më vjen tërë kjo dëshirë, shpirt, kohën e kemi të mjaftueshme, po asgjë nga ëndrrat nuk të premtoj

Endrita më quajnë, jam pak e dehur
a do që ta gatuaj një bukë me susam
në dashuri askush s´e humbë lirinë
unë dashurinë e dua për kënaqësinë

I bukur është atdheu kur ke të dashur
i dashur është atdheu kur dashuron
çastet që s´kanë kujtesë më pëlqejnë
në krah të poezisë kam qejf të pushoj

Në këtë tokë të urtë e të lavdishme
poet, merrja të pashkruarën shpirtit
Kosovën e dua si gruan më të bukur
se aty ndjehem vërtetë i përjetësuar!..

Rrustem Geci – Kosovë, Shqipëri, 2015