Nedim Bajrami shënon në festën e Empolit, klubi kthehet në Serie A

Mesfushori shqiptar Nedim Bajrami ka shënuar gol në fitoren e thellë të Empolit ndaj Cosenzas me rezultatin 4-0, ku u konfirmua rikthimi i skuadrës së tij në Serie A.

Ndeshja e luajtur të martën në kuadër të xhiros së 36-të në Serie B, përfundoi me fitoren e vendasve, ndërsa goli i katërt u shënua nga Bajrami në minutën e 64-të.

Bajrami ka shkëlqyer këtë sezon, pasi ky ishte goli i tij i shtatë në të gjitha garat, ndërsa ka shtuar edhe dhjetë asistime.

Pas fitores Empoli e ka konfirmuar kthimin në Serie A për sezonin e ardhshëm, dy xhiro pa përfunduar edicioni aktual në Serie B.

Empoli në vendin e parë ka 70 pikë të mbledhura, shtatë më shumë se Salernitana që renditet e dyta.

Bajrami aktualisht 22-vjeçar ka kontratë me Empolin deri në vitin 2024. /Telegrafi/

Shpërndaje.
© RAJONIPRESS