Nebihi transferohet në Union Berlin

Sulmuesi mitrovicas, Bajram Nebihi, ka shkëputur kontratën me skuadrën e tij Augusburg, ku ishte pjesë e skuadrës gjermane sezonin e kaluar. Por, ai shumë shpejt ka arritur të gjej skuadër të re pasi tashmë është edhe zyrtarisht futbollisti i skuadrës Union Berlin.

Lajmin për transferimin e sulmuesit kosovar e bëri të ditur skuadra gjermane e cila njoftoj se ka arritur marrëveshje me Nebihin deri më 30 qershor 2016.

Union Berlin deri më tash ka arritur të transferoj katër futbollisti dhe sulmuesi kosovar është lojtari i pestë i ardhur si përforcim në skuadrën gjermane.