Në Zhegër bojkotohet mësimi, nxënësit duan profesorin Halit Rrahmani

Gjilan – Në gjimnazin natyror “Xhahvit Ahmeti” paralelja në Zhegër nxënësit e kanë bojkotuar mësimin që nga e hëna në shenjë pakënaqësie me largimin e profesorit të historisë Halit Rrahmani. Nxënësit janë të revoltuar dhe i kanë shkruar edhe Lutfi Hazirit kurse vet Halit Rrahmani thotë se më është bërë e padrejtë dhe se nuk heq dorë nga e drejta e tij legjitime.

Një pjesë e nxënësve të Gjimnazit natyror “Xhavit Ahmeti” paralelja në Zhegër që nga e hëna janë në bojkot të plotë të mësimit në shenjë përkrahje e solidarizimi të profesorit të tyre të Historisë Halit Rrahmanit, të cili tashmë i është ndërprerë kontrata dhe në vend të tij është punësuar dikush tjetër.

Halit Rrahmani tha për rajonipress se atij i është bërë e padrejtë e madhe. Sipas tij në konkursin e nëntorit në vend të tij është pranuar dikush tjetër me të njofshëm. “Unë punojë prej vitit 2013 dhe nuk heq dorë nga e drejta e ime legjitime” tha Rrahmani për rajonipress.

Ndryshe nxënësit i kanë shkruar letër të hapur Lutfi Hazirit duke kërkuar prej këtij të fundit që të ndërhyjë urgjentisht për ta kthyer në vendin e punës profesorin Halit Rrahmani./rajonipress/