Në Viti u mbajt debati “Fuqia në partneritet: Nga Dialogu në Veprim” në kuadër të “Javës së Gruas 2026”

Viti – National Democratic Institute, me mbështetjen e Swiss Agency for Development and Cooperation, organizoi në Viti debatin mbi politika me temën “Fuqia në partneritet: Nga Dialogu në Veprim”, në kuadër të aktiviteteve të “Javës së Gruas 2026”.

Në hapje të aktivitetit, kryetari i Komuna e Vitisë, Sokol Haliti, theksoi rëndësinë e bashkëpunimit ndërinstitucional dhe fuqizimit të rolit të grave në proceset vendimmarrëse në nivel lokal.

Ndërkaq, Nancy Soderberg vlerësoi angazhimin e Komunës së Vitisë në avancimin e pjesëmarrjes së grave në jetën publike dhe institucionale. Ajo theksoi se partneriteti ndërmjet institucioneve dhe komunitetit mbetet thelbësor për ndërtimin e politikave që pasqyrojnë nevojat reale të qytetarëve.

Debati mblodhi përfaqësues të institucioneve lokale dhe qendrore, si dhe akterë të tjerë relevantë, duke krijuar një hapësirë diskutimi mbi qeverisjen gjithëpërfshirëse, fuqizimin e rolit të gruas dhe avancimin e shërbimeve komunale.

Sipas organizatorëve, avancimi i dialogut dhe ndërtimi i politikave më transparente, më të përgjegjshme dhe më pranë qytetarëve mbeten elemente kyçe për forcimin e demokracisë lokale dhe zhvillimin e qëndrueshëm.

Komuna e Vitisë ritheksoi përkushtimin për të mbështetur iniciativa që promovojnë barazinë, përfshirjen qytetare dhe fuqizimin e demokracisë në nivel lokal./rajonipress/