Në Viti shqetësuese, huliganizmi, aksidentet në komunikacion, zjarrëvëniet e qëllimta

Viti – Në Viti, është mbajtur mbledhja e dytë e rregullt e Këshillit Komunal për Siguri në Bashkësi (KKSB). Gjatë këtij takimi në veçanti është folur për gjendjen e sigurisë në këtë komunë e cila është vlerësuar si e qetë dhe stabile. Megjithatë në këtë takim u dhanë edhe disa shqetësime që kanë të bëjnë me sigurinë.

Zv. Kryetari i Komunës së Vitisë, Hasan Aliu në fillim të këtij takimi ka bërë të ditur se gjendja e sigurisë në Komunën e Vitisë, është e qetë dhe stabile, por ai përmendi edhe rastet e fundit të aksidenteve me fatalitet që kanë ndodhur në këtë komunë duke shprehur edhe ngushëllimet për familjarët.

Aliu po ashtu njoftoj anëtarët e Këshillit Komunal për Siguri në Bashkësi për komandantin e ri të Stacionit Policor në Viti, Kapiten Afrim Halilin dhe shprehu falënderimet për Komandantit e deritanishëm, Agim Lipovica i cili ka shërbyer në këtë detyrë.

Ndërkaq Afrim Halili, Komandant i ri i Stacionit Policor në Viti, ka bërë një krahasim të periudhës së njëjtë të këtij viti me vitin paraprak. Megjithatë komandanti Halili u shpreh se gjendja e sigurisë në këtë komunë është e qetë dhe stabile.

Ai përmendi se në këtë komunë ka ndodhur më parë një aksident komunikacioni që ka përfunduar me fatalitet dhe rastin e një vetëvrasje. Komandanti Halili theksoi se kohëve të fundit kanë qenë të shpeshta edhe rastet e zjarreve.

Përndryshe Halili u shpreh se ai do të vazhdon bashkëpunimin me institucionet komunale të Vitisë dhe me qytetarë në interesin e të gjithëve.

Ndërkaq anëtarët e këtij këshilli paraqitën disa shqetësime të tyre lidhur me sigurinë në këtë komunë si: huliganizmi, aksidentet në komunikacion, zjarrëvëniet e qëllimta, pusetat e hupura, rrjeti elektrik dhe të tjerë.

Përndryshe në këtë takim kanë marrë pjesë edhe përfaqësues nga Forca e Sigurisë së Kosovës dhe nga Misioni i OSBE-së në Kosovë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).