Në Viti shqetësuese djegia e gomave, EVSB e quan krim mjedisor

Viti – Kjo dukuri në vendin tonë është bërë e zakonshme, dhe askush nuk shqetësohet! EVSB kërkon nga Institucionet Komunale dhe Policia e Kosovës, që të ndërmarrin masa për parandalimin e dukurive të tilla negative dhe ndaj personave që veprojnë në kundërshtim me rregullat, të shqiptohen masat ndëshkuese konform Udhëzimit Administrativ Nr.06/2018, për Ndëshkimet me Gjobat Mandatore dhe në pajtim me legjislacionin në fuqi.

Të premtën rreth orës 18:15, në dalje të fshatit Ramjan, është vërejtur një tym i dendur nga ndezja e gomave, vendndodhja rruga nga fshati Ramjan, në drejtim të fshatit Sllakovcë.

Për rastin e lart përmendur, menjëherë janë njoftuar policia e Kosovës.
EVSB apelon tek qytetarët që të mos përsërisin praktikën e ndezjes së gomave dhe gjësendeve t’jera që ndotin mjedisin.

EVSB kërkon nga Institucionet Komunale dhe Policia e Kosovës, që të ndërmarrin masa për parandalimin e dukurive të tilla negative dhe ndaj personave që veprojnë në kundërshtim me rregullat, të shqiptohen masat ndëshkuese konform Udhëzimit Administrativ Nr.06/2018, për Ndëshkimet me Gjobat Mandatore dhe në pajtim me legjislacionin në fuqi.

Ndezja e zjarreve të tilla, bartë me vete pasoja të mëdha për mjedisin. Vazhdimi i një praktike të tillë, është e pa kuptimtë dhe tejet e dëmshme për mjedisin, shëndetin dhe imazhin e vendit tonë thuhet në reagimin e Koordinatorit të EVSB-së, për Komunën e Vitisë, Imri Emërllahut./rajonipress/