Në Viti rritet transparenca

Gjilan – Besnik Imeri koordinator i projektit USAID / BEEP për Komunën e Vitisë duke prezantuar rezultatet e këtij raporti theksoi se Vitia ka shënuar rritje në përmirësimin e mjedisit afarist duke u bërë një nga komunat e para që ka liruar Bizneset nga Taksat Komunale megjithatë ai tha se këto rezultate kanë dalur nga anketimet e bëra me grupet e bizneseve.

Programi për përmirësimin e mjedisit afarist në Kosovë USAID / BEEP ka prezantuar sot rezultatet e Indeksit të Konkurrencës për Komunën e Vitisë 2012.

Sipas këtij rezultati del se kjo komunë ka rritje në Transparencë, pjesëmarrjen dhe parashikushmerinë, tatimet dhe taksat , infrastrukturën Komunale . Gjithashtu gjatë këtij viti, institucionet Komunale të Vitisë rangohen në vendin e 20, ndërsa në vendin e 11 për Transparencë në nivel shtetëror nga 37 komunat e Kosovës . Megjithatë gjatë prezantimit të këtyre rezultateve janë dhënë edhe rekomandime për përmirësimin e më tutjeshëm për programin afarist.

Besnik Imeri koordinator i projektit USAID / BEEP për Komunën e Vitisë duke prezantuar rezultatet e këtij raporti theksoi se Vitia ka shënuar rritje në përmirësimin e mjedisit afarist duke u bërë një nga komunat e para që ka liruar Bizneset nga Taksat Komunale megjithatë ai tha se këto rezultate kanë dalur nga anketimet e bëra me grupet e bizneseve.

Ndërsa Zëvendëskryetari i Komunës së Vitisë Abdyl Bajrami duke folur rreth këtyre rezultateve dhe punës së Institucioneve në përmirësimin e mjedisit afarist duke lavdëruar punën e bërë të USAID-it Amerikan në Viti tha se me ndihmën e tyre është bërë shumë në përmirësimin e kushteve për të bërit biznes . “ Përmes këtij programi është bërë shumë në përmirësimin e mjedisit afarist, por mendoj se ka edhe shumë punë për të bërë pasi që bizneseve tona ju nevojitet edhe një përkrahje më e fuqishme dhe ata nga të gjithë, si nga Institucionet ashtu edhe nga vet qytetarët” u shpreh. Bajrami.

Ndërsa Besim Halimi Drejtor i Administratës në Viti, nuk u pajtua plotësisht me rezultatet e Programit për Mjedisin Afarist duke shtuar se kjo komunë ka bërë shumë në përmirësimin e mjedisit, por edhe në shërbimet për biznese si lirimin e taksave për bizneset, ofrimin e shërbimeve për bizneset nga Qendra për Hapjen e Bizneseve etj.

Ky takim është mbajtur me përfaqësues të Institucioneve Komunale, përfaqësues të bizneseve, dhe organizatorët IKK-së USAID/BEEP. /rajonipress/