Në Viti po mbahet ushtrimi fushor “Partnerët 19”

Viti – Ushtrimi fushor “Partnerët 19”, ka filluar sot të realizohet me testimin e kapaciteteve emergjente, në rast tërmeti. Në këtë ushtrim, janë të përfshirë, pos Institucioneve komunale të Vitisë, edhe FSK-ja, AME, Policia, Njësia e Zjarrëfikjes dhe shpëtimit, Qendra Kryesore e Mjekësisë Familjare, Kryqi i Kuq etj.

Fillimisht, është mbajtur një takim i Këshillit Emergjent komunal, i kryesuar nga kryetari i komunës Sokol Haliti, ku edhe janë paraqitur situatat e inskenuara të tërmetit dhe janë koordinuar veprimet konkrete për reagim.

Tërmeti u inskenua në ambientet e shkollës së mesme profesionale në Viti, ku mekanizmat relevant kanë testuar kapacitetet e tyre në raste emergjente.

Përndryshe, ky ushtrim fushor do të vazhdoj edhe në 3 ditët e ardhshme, ku do të bëhen edhe inskenime të tjera të rasteve emergjente./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).