Në Viti mbahet marshi “Lufto me guxim”

Viti – Sot në sheshin tonë të bukur në Viti u mbajt marshi sensibilizues “Lufto me Guxim”, në kuadër të Muajit Rozë, muajit të ndërgjegjësimit për luftën kundër kancerit të gjirit. Ky marsh u organizua nën përkujdesjen time dhe të bashkëpunëtorëve, në bashkëpunim me Qendrën Kryesore të Mjekësisë Familjare, me qëllim që të rrisim vetëdijen për rëndësinë e kontrollit të rregullt shëndetësor dhe për të ofruar mbështetje për gratë që po përballen me këtë sëmundje ka thënë Sokol Haliti.

Në kuadër të aktiviteteve shëndetësore të ditës, u zhvillua edhe karvani “PërShëndetje”, përmes të cilit qytetarëve iu ofruan këshilla të vlefshme për ruajtjen dhe përmirësimin e shëndetit publik.

Këto aktivitete nuk janë vetëm simbolike, ato janë thirrje për solidaritet, guxim dhe kujdes për njëri-tjetrin. Çdo kontroll, çdo bisedë dhe çdo hap i vogël mund të bëjë ndryshim të madh në jetën e dikujt.

Shpreh mirënjohje dhe solidaritet për të gjitha gratë që luftojnë me forcë e dinjitet, për familjet që i mbështesin dhe për profesionistët tanë shëndetësorë që çdo ditë janë pranë tyre. Në këtë muaj dhe çdo ditë tjetër të vitit, le të jemi zëri i ndërgjegjësimit dhe i shpresës.

Le të luftojmë me guxim, së bashku!