UBT

Në Viti është mbajtur Panairi i prodhimeve vendore

/ 1 minutë lexim

Viti – Në qendër të qytetit të Vitisë, është zhvilluar sot një panair, ku shoqatat dhe grupet e grave të komunës së Vitisë, kanë patur rastin të ekspozojnë produktet e tyre prodhuese, në kuadër të organizimit të Iniciativës për Zhvillimin e Bujqësisë së Kosovës (IADK). Në këtë ngjarje i pranishëm ishte edhe kryetari i komunës së Vitisë Sokol Haliti, i cili edhe morri pjesë në hapjen solemne të kësaj ngjarje.

Ky aktivitet i sotëm, ishte pjesë e projektit “Përkrahja e grave dhe vajzave në fuqizimin ekonomik përmes vetëpunësimit dhe ngritjeve të kapaciteteve profesionale të tyre” ne komunën e Vitisë. Ky aktivitet është realizuar në kuadër të Programit Rajonal për Demokracinë Lokale në Ballkanin Perëndimor (ReLOaD).

Eco Higjiena

Projekti financohet nga Bashkimi Evropian dhe zbatohet nga Programi i Kombeve të Bashkuara për Zhvillim (UNDP). Qëllimi i projektit është të kontribuoj në fuqizimin ekonomik të grave, duke krijuar mundësi punësimi dhe përmirësimin e mirëqenies së tyre dhe të familjeve të tyre përmes ngritjes së kapaciteteve profesionale në përpunim të ushqimit./rajonipress/