Në Viti arrestime për posedim droge, në Gjilan prangosen tre të dyshuar për vjedhje

Gjilan – Në Pozhoran të Vitisë është arrestuar një shqiptar për posedim të substancave narkotike, kurse në Gjilan tre shqiptar janë arrestuar nën dyshimin se kanë kryer vjedhje të rëndë në rrugën “Avdullah Tahiri”.

Në fshatin Pozhoran të Vitisë është arrestuar i dyshuari mashkull shqiptar pasi që gjatë kontrollit tek i njëjti është gjetur dhe konfiskuar 18.2 gram substancë narkotike e llojit marihuanë. Me urdhër të prokurorit i dyshuari dërgohet në mbajtje.

Kurse në rrugën “Avdulla Tahiri” në Gjilan, në lidhje me rastin me datën 13.10.2018 janë arrestuar tre të dyshuar meshkuj shqiptarë për vjedhje të rëndë dhe të njëjtit pas intervistimit me vendim të prokurorit janë dërguar në mbajtje njoftoj policia e Kosovës./rajonipress/