Në vend të parave, u jepen ditë pushimi

Për herë të parë u angazhuan në zgjedhje, mirëpo ky angazhim edhe iu shpërblye. Këta janë prokurorët kujdestarë të cilët për 3 nëntor, në ditën e zgjedhjeve, përfituan nga 50 euro pasi qëndruan në punë jashtë orarit zyrtar.

Mirëpo, e njëjta nuk do të ndodhë edhe me policët e Kosovës. Pjesëtarët e saj, edhe pse me paga paguhen gati dy herë më pak sesa prokurorët, nuk do ta marrin asnjë cent më shumë për punën shtesë që bënë gjatë zgjedhjeve të 3 nëntorit dhe balotazhit që u mbajt të dielën që shkoi, më 1dhjetor.

I vetmi shpërblim që policët që janë angazhuar gjatë zgjedhjeve do të jetë ndonjë ditë e lirë pushimi. Përndryshe, e njëjta nuk vlen për ata që në të dy të dielat, u ka qëlluar të jenë në orar të punës, përveç nëse kanë punuar më gjatë sesa orari që kanë pasur. Edhe në këtë rast ata do të kompensohen me pushim…(Tribuna).