Në UP, viti i ri akademik nis pa u mbyllur procedurat e afatit të dytë

Universiteti i Prishtinës nis vitin e ri akademik 2014/2015, edhe pse ende nuk kanë përfunduar procedurat e afatit të dytë për pranimin e afro 3 mijë e 200 studentëve të rinj, për të cilët ka ende vende të lira në UP.

Në fakt, dita e parë e fillimit të vitit të ri akademik në UP, është njëkohësisht edhe dita e fundit e afatit të dytë për regjistrimin e studentëve në këtë Universitet. E provimi pranues është planifikuar të mbahet ditën e enjte, më 9 tetor, kurse rezultatet do të shpallen pas një jave. Të gjitha këto i ka konfirmuar për “Kohën Ditore” Adem Beha, këshilltar i rektorit të UP-së, Ramadan Zejnullahu.

Sipas kësaj, rezulton se studentët e rinj do t’i nisin studimet me së paku dy javë ditë vonese, nëse pranimin i tyre zyrtarizohet para se të nisë dhe përfundojë afati i ankimimit nga ata që mund të ndahen të pakënaqur me rezultatet e pranimit.