Në “trillerin” e çerekfinales Vëllaznimi mposht Dritën

Gjilan – Skuadra e Vëllaznimit të Gjakovës është bërë “macja e zezë” për futbollistët e Dritës, në ndeshjen e fundit të Superligës i’a shkëputi një pikë ndërsa sot e eliminoi nga garat e Kupës së Kosovës.

Në pranin e 1,000 shikuesve nuk u tregua futboll cilësor edhe pse gjatë 90 minutave u shënuan katër gola.

Për tu përcaktuar fituesi i sotëm i gjysmëfinales u deshtë të zhvillohet 120 minuta lojë, por as këta minuta nuk përcaktuan fituesin ndërsa në fund u desht që penaltit të përcaktojnë fatin e dy skuadrave.

Fillimi i ndeshjes filloi keq për Dritën, Fidan Gërbeshi, bën një gabim trashanik e këtë e shfrytëzon më së miri Henry Chibueze duke sjell Vëllaznimin në epërsi në 0-1.

Goli i barazimit arrin pas një minuti Kastriot Rexha me një gjuajtje të saktë barazon rezultatin në 1-1.

Në pjesën e dytë edhe njëherë golashënuesi më i mirë i Dritës, Rexha, përkujdeset për të sjell skuadrën e tij në epërsi për 2-1.

Kur të gjithë menduan se gjithçka ka përfunduar edhe njëherë del në skenë në minutat shtesë në atë 92, Lek Vula i cili me një goditje të saktë nga 15 metra gjen rrjetën e portierit të Dritës, Leutrim Rexhepit duke barazuar shifrat 2-2.

Në lojën shtesë nuk u pan aksione të ndërtuara mirë por rast të shënimit kishte Xhevdet Shabani në minutën e 100, gjuan furishëm por portieri i Vllaznimit, Alban Gecaj shpëton portën e tij.

Në ekzekutimin e penaltive mysafirët ishin më të saktë në radhët e Dritës dështuan Leutrim Kryeziu dhe Ardian Limani, ndërsa tek “kuq e zinjët” e Vëllaznimit i vetmi që dështoi ishte Burim Qorri.

Pas ndeshjes trajneri i Dritës, Bekim Isufi, ka deklaruar.
“Si për pikë njashtu edhe për kup Vëllaznimi na sjelli probleme të mëdha duke arritur qëllimin e tyre të na eliminoj nga kupa, është një goditje e rënd për ne por kështu e ka futbolli”.

Ndërsa trajneri i Vëllaznimit, Arsim Gojani ka theksuar.
Treguam karakter dhe angazhim të madh në këtë ndeshje, e kemi merituar gjysmëfinalen këtë qëllim e arritëm ndërsa penalltitë janë fat por kësaj radhe futbollistët e mijë u treguan më të qet dhe e deshën më shumë fitoren”./rajonipress/