Në Topanicë të Kamenicës policia konfiskon substanca narkotike

Kamenicë – Në fshatin Topanicë, Komuna e Kamenicës, Policia e Kosovës, njësitet mbështetëse reaguese, gjatë një patrullimi rutinë, e kanë ndaluar veturën e tipit “Pasat” me tabela KS, ku në të njëjtën veturë kanë qenë tre persona dhe gjatë legjitimimit, dhe kontrollit njëri nga të dyshuarit shqiptar, është lajmëruar se në çantën krahu e posedon një sasi me substancë narkotike.

Janë thirrur njësitet e Antidrogës që kanë dalë në vend ngjarje dhe konfiskuar dëshminë e gjetur, ku të njëjtës i është bërë testi fushor, ku ka rezultuar pozitiv substancë narkotike e llojit marihuanë me peshë 2.8 gram.

Për rastin në fjalë është njoftuar prokurori i shtetit. Rasti procedohet në procedurë të rregullt në Prokurorinë Themelore njoftoj policia e Kosovës./rajonipress/