Superkupa e Kosovës në mes Dritës dhe Prishtinës për herë të parë në historikun e futbollit të Kosovës është zhvilluar jashtë shtetit të Kosovës. Kësaj radhe nikoqirë i Superkupës së Kosovës ishte shteti i Turqisë, ku dy skuadrat po bëjnë përgatitjet për fillimin e kampionatit pranveror.
Me kërkesën e dy klubeve është arritur ujdia që këto skuadra të zhvillojnë finalen e madhe të Supërkupës së Kosovës në qytetin e Antalya.
Këto dy skuadra vetëm njiherë kishin arritur të takohen në Superkupën e Kosovës në vitin 2018, kur “bardhekaltërtit” e Dritës kishin arritur ta mposhtin rivalin Prishtinën me rezultat 1-2, dhe ishte hera e parë që Drita kishte arritur ta ngre këtë trofe ndërsa Prishtina gjerë më tani ka arritur ta ngrisë trofeun e Superkupës 10 herë.
Ndeshja është zhvillua në stadiumin “Mardan Stadium” të Anatalys i drejtuar nga arbitri i shtetit Turk, Abdull Kadir Bitigen.
Të dy skuadrat në formacionin e tyre ishin të hendikepuara Dritës i mungoi portieri Faton Maloku e mbrojtësi Ardian Cuculi të dy të lënduar, ndërsa në radhët e Prishtinës munguan dy sulmuesit Oto John e Mankenda të cilët nuk kishin viza t’ju bashkëngjiten skuadrës së tyre.
Të dy skuadrat furishëm filluan këtë finale në minutën e tretë, pas harkimit nga këndi Qëndrim Zyba më së miri shkëputet me kokë duke gjetur rrjetën e portierit të Dritës, Rexhepit për të kaluar në epërsi në 1-0.
Futbollistët e Dritës shumë shpejt pas pesë minutave barazojnë, Xhevdet Shabani harkon Namani gjuan me kokë portieri Haxho mbron por topi i rrëshqet nga duart e këtë gabim nuk e fal Kastriot Rexha i cili nga afërsia barazon në 1-1.
Në minutën e 20-të, kapiteni Ardian Limani bën ndërhyrje të palejuar në zonë ndaj Abazit duke shkaktuar penallti, e i pa gabuar nga penalltia ishte Besnik Krasniqi duke vendosur shifrat 2-1.
Skuadrës së Prishtinës i lëndohet portieri në minutën e 38-të Haxho ndërsa zëvendësohet nga Ardit Lika.
Në minutën e 53-të, Rexha gjuan bukur me kokë edhe më bukur mbron portieri Nika.
Rezervisti Festim Alidema pati rastin me të mirë, ku i pa penguar gjuan jashtë portës së Nikës.
Rast tejet të mirë Prishtina kishte në minutën e 83-të, Leutrim Kryeziu dështon përball portierit Rexhepit.
Në minutat shtesë të ndeshjes rezervisti Alban Shillova përfiton nga gabimet e mbrojtjes së Dritës nuk e pati të vështirë të ngrit dhe të vulos fatin e kësaj finale të Superkupës së Kosovës me rezultat 3-1./rajonipress/
