Në takim me ambasadorin e Shqipërisë, Hovenier: Mbështesim integrimin e Kosovës në struktura evropiane

Ambasadori i ShBA-së në Kosovë, Jeffrey Hovenier, ka takuar ambasadorin e ri të Shqipërisë në Prishtinë, Petrit Malajn, me të cilin kanë biseduar për mbështetjen për Kosovën.

Hovenier i uroi mirëseardhje të ngrohtë Malajt, teksa tha se mezi pret që të punojnë bashkë në të mirë të Kosovës.

“Mezi presim të punojmë së bashku ndërsa mbështesim integrimin e Kosovës në strukturat evropiane dhe euroatlantike”, tha Hovenier, transmeton Telegrafi.

Kujtojmë se Malaj është emëruar ambasador i ri në Kosovë, pozitë të cilën deri para pak kohës e mbante Qemal Minxhozi. /Telegrafi/