Në Spitalin Rajonal të Gjilanit për një muaj rresht bëhet Mamografia falas

Gjilan – Pas renovimeve në Spitalin Rajonal të Gjilanit , ka rifilluar të bëhet Mamografia përsëri. Këtë muaj për të gjithë të interesuarit ajo do të bëhet falas thotë Selami Kurteshi zëdhënës i spitalit të Gjilanit.

Kurteshi tha se punëtorët që do të merren me Mamografi do të punojnë me dy ndërrime, që nga ora 08:00-19:00 të mbrëmjes. Duke ditur rëndësinë e diagnostifikimit të hershëm të Kancerit të Gjirit , menaxhmenti i SRGJ-së ka mundësuar që për një muaj rresht të bëhet Mamografia falas për të gjithë të interesuarit tha Kurteshi.

Sipas Kurteshit kjo është edhe një e arritur tjetër e madhe e SRGJ-së , duke dëshmuar edhe një herë interesimin e punonjësve shëndetësorë dhe stafit menaxhues në krye me Drejtorin , Abdylatif Latifi për ruajtjen e shëndetit të popullatës tonë tha Kurteshi./rajonipress/.