Në Spitalin e Gjilanit fillon mamografia me anë të Mamografit mobil
Gjilan – Prej datës: 23.02.2015 – 06.03.2015, në Spitalin e Përgjithshëm të Gjilanit do të bëhet mamografia me anë të Mamografit mobil.
Koordinatorë për këtë projekt është Agim Bregaj i cili me ekipin e tij do të sjellin në hapësirat e këtij spitali Mamografin me aparaturën përcjellëse. Mamografia do të kryhet prej stafit të specializuar të përcaktuar nga koordinatori në bashkëveprim me stafin profesionist të SPGJ-së.
Mamografia do të kryhet te të gjitha gratë e interesuara për këtë ekzaminim diagnostik.
Edhe pse me datën e caktuar përfundon ky aksion, në rast nevoje periudha kohore do të zgjatet.
Njoftojmë të gjitha të interesuarat se mamografia do të bëhet çdo ditë pune, duke filluar nga ora 10:00-13:00. Për realizimin e këtij ekzaminimi pacientet duhet të lajmërohen paraprakisht për caktimin e terminit.
Për këtë projekt interesim të veçantë ka shprehur menaxhmenti i spitalit si dhe në veçanti Ministri i Shëndetësisë ka thënë zyrtari për informim i Spitalit të Gjilanit Selami Kurteshi./rajonipress/