Në spektaklin e golave, fiton Drita

Gjilan – Futbollistët e Dritës, në javën e 15-të, të Superligës së Kosovës në futboll dhuruan spektakël në ballafaqim me Lirinë e Prizrenit, duke arkëtuar tri pikë të vlefshme drejt kreut të tabelës së klasifikimit.

Në një ambient të bukur sportiv, e në momente të tensionuar në mes tifozëve, “Intelektualëve” dhe “Arpagjikve” të Lirisë, gjatë 90 minutave u tregua futboll cilësor duke u shënuar 7 gola.

Futbollisti me i mirë i ndeshjes së sotme sulmuesi Xhevdet Shabani, edhe njëherë tregoi kualitetet e tij duke dëshmuar se është futbollisti më i mirë në Superligën e Kosovës.

Shabani në minutën e 7-të, bukur harkon por Leci me kokë gjuan nga 7 metra e portieri Edvan Bakaj, me mund dëbon topin jashtë vijës fundore të tij.

Futbollistët e Dritës vazhdojnë me lojë të bukur në minutën e 11-të, Krasniqi harkon nga 30 metra portieri Bakaj bën gabim trashanik duke mos kontrolluar topin mirë, e këtë e shfrytëzon Bujar Shabani i cili nga afërsia sjell skuadrën e tij në epërsi 1-0.

Në minutën e 42-të, Xhevdet Shabani pasi shmang një mbrojtës të Lirisë nga 16 metra parabollon portierin Bakaj, të cilin e len të shtangur
për 2-0.

Futbollistët e Lirisë rastin e vetëm në pjesën e parë e konkretizojnë në gol, Jetmir Sopa me mjeshtri nga 17 metra gjen këndin e epërm të Dritës duke zbutur epërsinë e Dritës në 2-1.

Në minutën e 52-të, arbitri Besfort Kosumi akordon penalti, pasi sipas tij futbollisti i Lirisë Domgjonas kishte luajtur me dorë, nga pika e bardh i pagabueshëm ishte Fidan Gërbeshi duke sjell skuadrën e tij në 3-1.

Futbollistët e Lirisë pas kësaj epërsie të Dritës vërsulen me të gjitha forcat në sulm, në minutën e 81-të, Artur Magani shfrytëzon hutin e futbollistëve të Dritës dhe nga 12 metra gjen rrjetën e portierit Leutrim Rexhepit.

Tre minuta më vonë kapiteni Korenica harkon nga 25 metra nga e djathta, më së miri gjendet Megani i cili nga afërsia barazon në 3-3.

Kur të gjithë menduan se ky “triller” i futbollit do të përfundon më rezultat të barabartë, në minutat shtesë në atë 93-të, Xhevdet Shabani harkon nga 40 metra topi devijohet gjerë te Elton Basri i cili tund rrjetën e portierit të tij duke sjell gëzim tek tifozët e Dritës.

Trajneri i Dritës, Bekim Isufi, i cili për te ishte ndeshja e parë pas dorëheqjes së Milaim Zuzakut, pas ndeshjes deklaroi.
“Patëm lojën në dorë, futbollistët u relaksuan shumë dhe u vetknaqën e kjo për pak sa nuk na u hakmor dhe këso gabime nuk guxojmë më të ndodhin”.

Ndërsa trajneri nga Shqipëria tek Liria, Bledi Shkëmbi theksoi.:”Një ndeshje e bukur, portieri jonë gaboi në dy gola në mënyrë katastrofale ndërsa arbitri skandaloz, dhe kjo nuk i duhet futbollit çfarë referoi sot ky arbitër”.

Në ndeshjen e javës së 16-të Drita do të jetë mysafirë i Drenicës./rajonipress/