Në Skifteraj të Vitisë mbahet turniri tradicional në futboll të vogël, më i madhi në rajon dhe Kosovë

Viti – Turniri tradicional në futboll të vogël “Kenan Halimi”, i cilësuar si më i madhi në Anamoravë dhe Kosovë mbahet për herë të pestë ku pritet të marrin pjesë mbi 64 ekipe nga Kosova, Maqedonia e Presheva me 650 lojtar dhe me një shpërblim prej 1000 euro për ekipin fitues.

Sipas, Mevlan Sadikut pjesëmarrës në këtë turnir pritet të jenë mbi 650 lojtarë të cilët vijnë nga trevat e ndryshme të lartcekura. “Ky turnir mbahet për të 5 vit me radhë për nder të Dëshmorit të Kombit Kenan Halimi, ku edhe turniri mban emrin e tij me krenari, kurse finalja luhet me datën 13 qershor në ditën e rënies heroike të dëshmorit” tha Sadiku.

Sipas tij e veçanta e këtij turniri është sepse ne si organizator kemi paraparë që ekipi fitues do të shpërblehet me 1000 euro gjë që nuk ka ndodhë në asnjë turnir në Kosovë./rajonipress/