Në Skenderaj Gjilani e Drenica luajnë pa gola
Në javën e 22-të, të Superligës së Kosovës në futboll në stadiumin “Bajram Aliu”në Skenderaj, Drenica e Gjilani kanë luajtur baraze me rezultat 0-0.
Skuadra e Gjilanit gjatë 90 minutave nuk arriti asnjëherë ta rrezikon seriozisht portën e portierit vendas Ymerit i cili gjatë 90 minutave ishte i papunë.
Skuadra vendëse duke ditur rëndësinë e pikëve u angazhua, por nuk arritën të mposhtin portierin Koliqin.
Vendësit rast të mirë shënimi kishin në minutën e 32-të, futbollisti Uka gjuan por Koliqi ishte në vend duke shpëtuar portën e tij.
Futbollistët e Gjilanit më tepër krijuan gjysmë raste duke mos qenë të rrezikshëm pranë portës së vendësve.
Një gjysmë rast për të shënuar e kishte Nikaq në fillim të pjesës së dytë, por edhe këtë e shpërdoron futbollisti i Gjilanit.
Rastin më të mirë për të vulosur ndeshjen e sotme e pati sulmuesi Uka në minutën e 62-të, ku i vetëm përball portierit Koliqit gjuan plogësht duke shpërdorur mundësin për të shënuar.
Trajneri i Gjilanit, Bylbyl Sokoli, pas 90-të minutave ka deklaroi.
“Duhet pranuar që skuadra ende nuk e ka fizionominë e lojës që e kërkojmë, skuadra ka pasiguri të madhe dhe duhet kërkuar ende gabimet dhe vetëbesimin tek skuadra, por unë e kam të çart se çfarë duhet të ndryshojë, në këtë ballafaqim kam pritur më shumë nga Qyrbja dhe Kelmendi”.
Në javën e 23-të, Gjilani është nikoqirë i Arbërisë./rajonipress/