Në sektorin publik pagat e janarit dalin me rritje – Murati: Kjo e bën mesataren prej 780 euro bruto

Ministri i Financave, Hekuran Murati, ka thënë se sot janë proceduar me rritje pagat e muajit janar për sektorin publik, me koeficientin e ri prej 110 euro.

Murati tha se kjo e bën pagën mesatare bruto prej 780 euro në muaj në sektorin publik.

“Buxheti për paga në vitin 2023 ishte për 17% më i lartë sesa viti paraprak. Kurse sivjet shtohen edhe 5% tjera, duke u siguruar kështu që rritja në vazhdimësi të tejkalojë normën e inflacion, që për vitin 2022 ishte 11.6% ndërsa për vitin 2023 ishte 4.9%”, shkroi Murati.

Në lidhje me koeficientin e ri të pagave patën protestuar Policia e Kosovës, konkretisht njësitet speciale, të cilët kanë kërkuar që në pagën e tyre të përfshihen edhe shtesat e rrezikshmërisë e një sërë kërkesash të tjera.