Në rrugën Kamenicë – Gjilan arrestohet një shqiptar me substanca narkotike e armë

Prishtinë – Arrestohet një i dyshuar për “blerje, posedim të paautorizuar të narkotikëve, substancave psikotrope ose analoge’ dhe ‘Mbajte në pronësi, kontroll ose posedim të paautorizuar të armëve.

Policia e Kosovës në përpjekjet e vazhdueshme për luftimin e dukurive negative, e në veçanti kundër substancave narkotike, më datë 9 nëntor 2015 rreth orës 12:00, në Kamenicë – Gjilan, pas pranimit të informacioneve dhe një hetimi profesional nga zyrtarët policor, gjithnjë duke u bazuar edhe në procedurat e parapara ligjore dhe në konsultim me prokurorin kompetent ka realizuar një operacion të bastisjes dhe kontrollit në një shtëpi dhe objekte përcjellëse të saj, meqë rast është arrestuar një person i dyshuar i poshtëshënuar me inicialet: J.M. mashkull/shqiptar (viti i lindjes 1991).

Si dhe janë gjetur e konfiskuar si prova materiale: Pesë (5 ) paketime me substanca narkotike të llojit Marihuan. (Pas matjes së substancës narkotike ka rezultuar që pesha e saj të jetë: 2900 gr. (Dy mijë e nëntëqind gram).
Një (1) revole Ekoll e llojit: JACKDUAL COMPAACT
Njëzet e dy (22) fishekë të kalibrit 9 mm.
Treqind e pesëdhjetë (350) €uro.
Një (1) telefon dhe
Dy (2) pasaporta.

I dyshuari është intervistuar dhe me urdhër të prokurorit kompetent ndalet për 48 orë, ndërsa lënda me të gjitha shkresat i dorëzohet Prokurorisë se shtetit për procedure të mëtutjeshme thuhet në njoftimin e policisë së Kosovës./rajonipress/