Në Ranillug punësohen 20 të rinj serb

Gjilan – 20 të rinj serb në komunën e Ranillugut kanë fituar punë për 6 muaj në kuadër të projektit “Promovimi i punësimit dhe rritja e mundësive për rininë ” kurse në organizim të Ministrisë së punës dhe mireqenies sociale në Qeverinë e Kosovës, Komunës së Ranillugut, Ambasadës së Norvegjisë dhe Institutit për zhvillim dhe integrim 30 për qind të tyre pas periudhës së trajnimit do të marrin kontrata për afat 2 vjeçar.

Në restorantin „Royal King“ në Ropotovë të madhe, 20 serb të rinj nga komuna e Ranillugut kanë nënshkruar kontratë mbi punësimin raporton rajonipress.

Në këtë takim ku edhe janë nënshkruar kontratat kanë marrë pjesë ministri i punës dhe mirëqenies sociale, Nenad Rašić , kryetari i komunës së Ranillugut , Gradimir Mikić, kryesuesi i Kuvendit të komunës së Ranillugut , Vladica Aritonović.

Me projektin e ri që ka filluar të realizohet në muajin e kaluar janë përfshirë 60-të serb të cilët asnjë herë nuk kanë punuar. Ata ndjekin trajnime tek punëdhënësit serbë dhe shqiptar dhe paga e tyre është 150 euro.

Pas përfundimit të trajnimeve, më të mirët mbeten dhe nënshkruajnë kontratë pune për dy vite. Nga KP këtë rast e kanë fituar 20 serb .Vlera e projektit është 86.000 euro.
“Qëllimi ynë është që në çdo mënyrë të gjejmë mundësinë për këta njerëz të ri të sigurojmë ekzistencën” ka thënë Gradimir Mikić.

Këso lloj projektesh planifikohen edhe në vitin e ardhshëm kurse nga shtatori Qeveria e Zvicrës fillon me aksionin e punësimit të qytetarëve dhe ky projekt kap shumën e 7,2 milionëve eurove./rajonipress/