Në Prokurorinë Themelore në Gjilan përurohet “dhoma për intervistimin e të miturëve”

Gjilan – Në Prokurorinë Themelore në Gjilan, nga Kryeprokurori i kësaj prokurorie z. Jetish Maloku dhe përfaqësues nga Ambasada Amerikane në Kosovë, z. Shaën Ëaddoups, Drejtor i Zyrës Ndërkombëtare për Narkotikë dhe Çështje të Zbatimit të Ligjit (INL) dhe z.Corey Smith, Këshilltar Rezident, në Departamentin e Drejtësisë është bërë përurimi i projektit të “Dhomës për Intervistimin e të Miturve”.

Me këtë rast, Kryeprokurori Maloku është shprehur shume falënderues ndaj zyrtarëve të lart amerikan, për mbështetjen dhe financimin e këtij projekti dhe projekteve tjera, duke potencuar rëndësinë në procedurën ndaj të miturve, si procedurë më delikate e cila duhet trajtuar me kujdes të shtuar.

Gjithashtu, vlerësoi lart ndihmën e zyreve dhe programeve respektive në ngritjen e kapaciteteve të prokurorëve në drejtim të rritjes së efikasitetit dhe ngritjes profesionale të tyre.

Ndërsa, në anën tjetër, edhe përfaqësuesit nga Ambasada e Shteteve të Bashkuara të Amerikës, janë shprehur se ndihen të kënaqur me finalizimin e këtij projekti, në Prokurorinë Themelore në Gjilan, si dhe, theksuan se do të ofrojnë mbështetje edhe në projekte tjera./rajonipress/