Në pritje të vendimit

Shoqatat e dala nga lufta e Ushtrisë Çlirimtare të Kosovës po shpresojnë se me ardhjen e Arsim Bajramit në krye të Ministrisë së Arsimit Shkencës dhe Teknologjisë, do të rregullohet njëherë e mirë puna e memorandumit të nënshkruar mes rektoratit të Universitetit të Prishtinës dhe shoqatave në fjalë, e cila marrëveshje parasheh që në UP të regjistrohen pa provim pranues mbi një mijë fëmijë të veteranëve, invalidëve dhe dëshmorëve të luftës së UÇK-së.

Rektori i UP-së Ramadan Zejnullahu ka javë që po refuzon ta respektoi këtë memorandum, duke thënë se për t’u regjistruar si studentë në UP duhet të plotësohen kriteret. E ketë qëndrim të Zejnullahut po e përkrahin edhe ambasadorët e vendeve të huaja në Kosovë dhe shoqëria civile. Javën që vjen pritet të qartësohet gjithçka sa i përket fëmijëve të këtyre kategorive.

Pas protestave të zhvilluara para rektoratit, është formuar një komision brenda rektoratit, ministrisë dhe shoqatave të dala nga lufta ku do të bëhet verifikimi i listave të fëmijëve që pretendojnë të jenë pjesë e UP-së. Xhavit Jashari përfaqësues i OVL-ve, ka thënë se këtë të hënë eventualisht të martën pritet të merret vendimi…(Tribuna).