Në prill, arsimi në grevë të përgjithshme

Mësimdhënësit kosovarë të nivelit parauniversitar në muajin prill do të futen në grevë të përgjithshme. Kështu ka vendosur Sindikata e Bashkuar e Arsimit, Shkencës dhe Kulturës (SBASHK), e cila përfaqëson rreth 29 mijë mësimdhënës.

Pas disa muajsh bisedimesh me Qeverinë, kjo sindikatë ka ardhur në përfundim se Qeveria nuk po tregon seriozitet për implementimin e kërkesave të saj lidhur për pagesën e përvojës së punës 0,5 për qind për të gjithë mësimdhënësit.

Kryetari i SBASHK-ut, Rrahman Jasharaj, ka thënë të mërkurën për “Zërin” se mësimdhënësve iu janë dorëzuar listat e pagave që t’i nënshkruajnë për pagën e marsit, por në këto lista ai thotë se nuk përfshihet pagesa e 0.5 për qindëshit. Jasharaj thotë se qeveria nuk ka dhënë ndonjë sqarim pse nuk është në lista të pagave dhe pagesa e përvojës./zeri/