Në Preshevë konfiskohen 21 kg heroinë
RajoniPress
09:17, 25 Janar, 2013
Në vendkalimin kufitar të Preshevës, autoritetet doganore serbe zbuluan mbrëmë 21 kilogram drogë të llojit heroinë.
Drejtoria e Doganave e Serbisë informoi se droga u gjet në gomën rezerve të një makine të tipit xhip, për të cilën nuk janë dhënë detaje të tjera.
“Droga u gjet në gomën rezerve, falë skanerë mobil që disponon dogana. Pas skanimit u pa se goma ishte e mbushur me pako droge heroinë”, njoftoi dogana serbe, raporton INA.
Bëhet fjalë gjegjësisht për 21 kilogram heroinë, të paketuara në 39 pako. Policia serbe nuk ka dhënë detaje të tjera mbi rastin, duke nënvizuar se po zhvillohen hetime intensive dhe do të bëhet zbardhja e plotë e rrjetit të trafikimit të drogës. /Indeksonline/
