Në Prekaz vetëm për festa

Vijnë në Prekaz për ta nderuar komandantin legjendar të UÇK-së, Adem Jashari dhe familjen e tij vetëm kur shënohen përvjetorët, 28 Nëntori, 17 Shkurti apo “Epopeja e UÇK-së”.

Derisa në vitet e para të pasluftës, krerë të shtetit të Kosovës, pas homazheve në kompleksin e varrezave të Jasharëve në Prekaz, ia mësynin edhe Kullës së Jasharëve, për ta uruar familjen Jashari, tanimë rrallë ndonjëri prej tyre kthen aty, ndonëse dera e familjes së madhe Jashari është përherë e hapur.

Tani, shumica prej tyre, kënaqen vetëm me zotimin para varrit të komandantit legjendar të UÇK-së, Adem Jashari, se do të punojnë për ta jetësuar veprën e tij dhe të familjes Jashari dhe betohen se në Prekaz vijnë për të marrë forcë dhe energji për ta ndërtuar shtetin dhe për ta integruar në proceset euroatlantike./zeri/