Në përkujtim të 17 – vjetorit të rënies: Dëshmorët e Komunës së Artanës
RajoniPress
08:26, 20 Prill, 2016
18 Prilli ‘99, Për çdo vjet na thërret n’ Artanë – T’bëjmë nderime për dëshmorë, T’iu sjellim lule kurorë ! T’shohim varret e përjetësisë – Në Altarin e Lirisë !
Gjaku i tyre rrodhi si gurrë –
U flijuan për t’ mos vdekur kurrë !
Të përkulemi na thërret dëshira –
T’ bëjmë urata sa më të mira!
Për bijtë tanë që ranë martirë –
Na e mundësuan t’ jetojmë të lirë !
T’ gjithë dëshmorët nga këto ana –
I kujton për jetë Artana !
Ua këndojmë lavdin dhe nderin –
S’e harrojmë Afrim Zymerin !…
Tre djem t’ lagjes Vllasaliut –
Na i vrau dora e shpakaliut !…
Faredini, Shemsedini e Zijaveri –
Ranë n’ altar në atë fushë nderi !
Gjithë dëshmorëve të kombit tonë –
Lavdi u qoftë për gjithmonë !
Mbi gjak t’ bijve të Malësisë –
Mbijnë Lulëkuqet e Lirisë !
Gjilan, më 19. 04.2016. Demir Krasniqi
