Në Pejë ndodhi befasia e stinorit

Në javën e 31 të Superligës së Kosovës në futboll, futbollistët e Besës së Pejës kanë bërë befasinë e stinorit duke e ndalur në barazim kampionin aktual, Dritën.

Besa e cila shumë xhiro më herët edhe matematikisht kishte rënë nga Superliga, sot me plot meritë ka fituar një pikë kundër Dritës, ndërsa ky barazim i ka kushtuar Dritës shumë pasi tani bie në pozitën e 3, pozitë e cila nuk e dërgon as në garat evropiane.

Futbollistët e Besës kaluan në epërsi në minutën e 20 nëpërmjet Ardit Tahiri, 1:0. Drita arriti të barazoj rezultatin në minutën e 63, Ergyn Ahmeti shënoi golin i cili u mendua se do të jetë gol i rikthimit të rezultatit nga Drita, por që në fund nuk doli kështu dhe ndeshja përfundoj me rezultat 1:1. Drita në javën e ardhshme do të jetë nikoqire e Feronikelit./rajonipress/