Gjilani në derbin e javës 28 në ballafaqim me Prishtinën ka humbur me rezultat 0-1
Në ndeshjen e cila për dy skuadrat pikët kishin rëndësi të madhe për vazhdimin e kampionatit nuk u tregua futboll cilësor, skuadra Gjilanit gjatë tërë 90 minutave treguan lojë të plogësht ndërsa mysafirët krijuan raste të një pas njëshme dhe në minutën e 90 arritën të sigurojnë tre pikë të arta për titull të kampionit
Ndërsa “bardh e kuqët” e Gjilanit me këtë humbje tani me një këmbë gjendet në zonën e barazhit Mysafirët ishin ata që gjatë 90 minutave rrezikuan vazhdimisht portën e Gjilanit në minutën 2 e 4 Ahmeti dështon nga afërsia poashtu edhe Leutrim Bektëshi e Makenda të cilët u treguan të ngathët para portës së Haxhihamzës.
Vendasit të vetmin gjysmë-rast e patë në minutën e 43 me një goditje të Shabanit por topi ishte mbi portën e portierit Beka të Prishtinës.
Në minutën e 51 Morina i vetmuar gjuan por Haxhihamza shpëton portën e tij.
Akteri i kësaj fitore të rëndësishme ishte rezervisti Mërgim Pevqeli në minutën e 90 ku së pari Thaqi harkon nga e djathta e me kokë nga 10 metra Pevqeli e detyron Haxhihamzën të nxjerr topin nga rrjeta e tij duke i siguruar skuadrës tri pikë të mëdha skuadrës së tij në luftë për titullin kampion.
Trajneri Gentijan Mezani deklaroi:
“Prishtina u tregua skuadër cilësore ne u mbrojtëm por nuk qëndruam gjerë në fund na duhet edhe shumë për tu përmirësuar shpresoj se gjerë në fund të kampionatit do të arrijmë të marrim pikët e duhura për mbijetesë.
Ndërsa trajneri i Prishtinës Mirel Josa ka theksuar:
“Gjatë tërë ndeshjes këmbëngulëm për rezultat pozitiv dhe në fund ja arritëm të fitojmë tri
pikë të mëdha ndeshja ishte shumë e vështirë pasi që skuadra e Gjilanit u mbrojt mjaft mirë”.
Në javën e 29 Gjilanin e pret një udhëtim i vështir në Drenas ku do të ballafaqohet me liderin Feronikelin ndërsa Prishtina është nikoqire e Drenicës./rajonipress/
